Process Explorer..
طبعا هذا من البرامج اللي عودتكم عليها ببلاش وزقرررت عالآخر
شنو فكرة البرنامج.؟
لما ترعص alt+ctrl+dlt
يطلعلك Windows Task Manager
وهذا مدير البرامج اللي شغاله على النظام
وفيه تقدر تتحكم وتشوف البرنامج اللي مستغل اكبر مساحة من عمل الجهاز مالك أو ماخذ مساحة من عمل ال
CPU
او المعالج كما هو معروف باللغة العبرية
:P
ومرات لما يعلق اي برنامج فحضرتك ترعص الكنترول الت ديليت علشان تسوي
End Task
وبعدين تشغل البرنامج من جديد
المهم فكرة مدير النظام فكرة حلوة ووندوز بايقينها من يونكس لكن الوندوز جعوص وتلوح في نفس الوقت
مشكلة مدير النظام بالوندوز مافيه تحكمات كبيرة ومايبرد الجبد
الشي اللي راح يلفت انتباهك ان منو مشغل منو..
يعني مثلا برنامج الانترنت اكسبلورر مشغل برنامج ثاني مثل ريل بلير فيكون الريل بلير مو برنامج اساسي يكون ثانوي
يعني مثل فكرة ال
Parent ... Child.
يعني البرنامج الاب
ويطلع منه البرنامج الابن
فمرات ودك تسكر البرنامج الاب والعيال كلهم فتقوله
End Process Tree
فبأمر واحد تنهي الابو وعياله كلهم وتعدمهم
انزين..
المهم بكلامنا ان برنامج Process Explorer
الميزة اللي فيه ان ميكروسوفت متكلمين عنه انه برنامج زين ومفيد
خخخخ
ويصلح حق المستخدمين البروفشنال
وميزته انه يبين لك كل برنامج شنو مشغل بالظبط وكل التفاصيل اللي تحتاجها علشان تعرف لو كان جهازك بطئ مرات
مثل مشكلة الوندوز ابديت مرات يعلق الجهاز والحل انك تطفي الابديت
:) وخل الابديت يدوي Manual
و فيه ميزة حلوة لو بتعرف اي برنامج مفتوح عندك على الشاشة ايهو على البروسس اكسبلورر راح يكون عن طريق النيشان اللي يم الدربيل
لما تكون راعص عليه وتوديه على اي برنامج يوريك اي برنامج اهو مشغل..
طبعا غير الاحصائيات والأوامر الكثيرة مثل ارسال رسالة لمستخدم معين
او تبحث عن هالبرنامج اللي شغال بموقع قووقل بمجرد كلك يمين وتختار قووقل
علشان تعرف معلومات اضافية عن البرنامج اللي شغال
يعني برنامج صراحه ماستغنيت عنه من عرفته
ولما تسويله Minimize
يكون بالتاسك بار تحت يمين ويوريك بالمخطط البياني شغل ال CPU
برنامج يحتاج انك تكون مركز وعارف شتسوي ولاتعبث وايد علشان ماتخربط وتخرب
:)
يعني اللي يبي يعرف اي معلومة اضافية عن البرنامج يسأل
وانا ابيكم تجربونه وشوفوا الفرق بينه وبين برنامج الوندوز الدايخ
فيه ميزة انك تخليه بدال برنامج الوندوز
وهالشغله موجوده بالقائمة
تحت Options
انزين بقت شغلة اخيرة وهي البرنامج..
تبي تنزله ؟؟
وبالهنا والشفااا
