من حبنا لها

حديقة قطعة 6 الفيحاء بعز الظهر يوم الجمعة

27-6-2008

ومن حبنا لها بنبربس فيها

يا أسطــــى

تخيل..

توهقت ذاك اليوم وماعندك سيارة

والربع كل واحد يتعذر

ويطنش

مممممممم

شتسوي؟

تركب ويا الحبيب؟

ولا تروح مشي يمكن توصل اسرع.؟

( تم حجب ارقام اللوحة وارقام التلفونات)

(مالنا خلق احد يرفع علينا دعوى)

( أو يقولون تسوي دعاية)

:PP

تم التصوير بتاريخ 22-6-2008

قرب مستشفى الأميري

خدمات فندقية

طبعا الحبيب هني يقدملكم خدمة المناديل حسب الطلب

فوظيفته هني يحددلك كمية الكلينكس اللي تحتاجه

فوظيفته مثل كاشف الكذب

اللي ياخذ زود يعضه

:p

هذا المحترم تم تصويره في مستوصف الرميثية المتطور

في يوم الاثنين 2 \ 6 \ 2008

الساعة 11 ص

تهقون موظفينه الصحة بلجنة الانضباط؟

:PPpppPPpPPpp~

س 10 عمليات حول حول

هالمرة موقع تعجز تقول عنه عجييب

ومو بس عجيب وبس

تقدر تقول عنه:

خطييييييييييييير مررررررررة

على قولة تشيتوس بالجبنة

:P

المهم هذا موقع خاص بتحويل كل ماهب ودب من امتدادات الملفات

من صور الى ملفات نصوص الى صوتيات الى ملفات ضغط وتحويل ملفات صوت لرنات التلفون

الى الكثير من التحويلات المتعددة

راسك راح يعورك من الوناسة

والزين فيه مايبي تركيب برامج

ولا فيروسات ولا غيره

ولا رجستر ولا بطيخ

مجاني بلاش فري مال موفت

و24 ساعة شغااااااااااااااال

طريقته سهلة وبسيطة

لو عندك ملف صوتي تبي تحوله او ملف نصوص وورد تبي تحوله لملف ادوبي اكروبات

خطوات الشغل:

تختار الملف من جهازك

ومن ثم تختار نوع التحويل

وبعدين تقوله حول يالحبيب

وعلى حسب سرعة الانترنت عندك وحجم الملف يتم التحويل

وعلى فكرة الحد الأقصى للملف الواحد مايتعدى 150 ميجا

وميزة الموقع متوفر بالعربي والانجليزي

يعني سهل سهل سهل لأقصى درجة

ماعتقد يبي شرح بالصورة والتوضيح

ولا انا غلطان ؟

لا تبربر جرب واذا عصى عليك شي اسأل

الموقع:

http://www.media-convert.com/

وشو بدك أكتر من هيك
؟

:))

روح نام وخله يطحس

مرات يحوشك أرق من كثر ماتجابل الكمبيوتر

والمشكلة انك تسوي داونلود

أو مخلي الجهاز شغال يعني بتحلله

جهاز مايسوى 150 دينار تعصره حيل هالمسيكين ليما تطلع مصرانه

المهم .. فكرة اليوم بسيطة

برنامج صغير وخفيف وبلاش طبعا

تحطله توقيت معين علشان يطفا فيه الكمبيوتر أو يتحول لتسجيل الخروج مثل مايقولون

والخ من الاختيارات

مايبيله شرح ولا فهامية

تركب البرنامج ومن ثم تحط التوقيت اللي تبي يطفا فيه الكمبيوتر

وخلصت وملصت

البرنامج:

ShutDown After 2.2

بس انتبه لشغلة

البرنامج أول ماينزل راح يسألك اذا تبي تركب شريط

Crawler Toolbar installation

لاتركبه شيل الصح وكمل الباجي

--------

برنامج ثاني فيه اختيارات اكثر وميزات أكبر

وعيبه الوحيد انه يبي رجستر بس

ولا مميزاته افضل من الأولي

البرنامج:

Intelligent Shutdown

-------

واذا ماعجبوك بس اكتب كلمة

Shutdown

في موقع

www.download.com

وبتلقى اللي يسرك

:)