Thursday, August 11, 2011

تويتر

اللي يبينا يلقانا على تويتر
@kh88q8

نشوفكم على خير
:)

Saturday, November 20, 2010

من هنا وهناك



في البداية اعتذر للانقطاع الخارج عن الارادة ولأسباب متعددة ولفقدان الكثير من المواد التي كنت سأعرضها لكم
ان شاء الله سأتواصل معكم حسب الاستطاعة
نقطة أخيرة .,, أعتذر لايقاف التعليقات حاليا ومؤقتا
وستعود التعليقات في الوقت القادم
أتمنى لكم طيب الاقامة
:P

-------------------------------

يرجى الضغط على كل صورة لمشاهدتها بالكامل
-----------------------------------------




راح ننطر ونشوف :|

----------------------------------------------------



-----------------------------






واحد كفتة بالزعفشاميل
:P

-----------------------------------



احدى افرع التموين في احد المناطق الجديدة
:))
وشهد شاهد من اهلها ..

المكتوب على الورقة :
" ممنوع جلوس أي نفر
على كرسي الزبون
وخاصة المندوب المصري
ومن ليس له عمل وغيره
ويخلي عنده دم ويحترم نفسه "

صراحة كبر بعيني مسئول الفرع المصري
:))

---------------------------------



انا مستعد اتبرع بالترجمة مجانا لأي محل بس يمعودين عيوني قاعد تعورني ضوضاء وتلوث بصري
:|

--------------------------------



ذبحنا هالبيبي
ماشاء الله على شنو مادري
وستكر بريطانيا العظمى بعد
لو درت عنك اليزابيث تحول بريطانيا العظمى الى بريطانيا الدائري السادس
:\

----------------------------------------



الصورة بدون تعديل على اللوحة
يعني الحبيب مايبي الكاميرا تصيده ؟
انا متبرع للداخلية بهالصورة مابي منهم شي بس ابي يخالفونه
:\

-----------------------------------



هذا اللي طلعنا منه بمسلسل بوقتادة وبونبيل


------------------------------





مادري ليش اشتهيت اسباغيتي بصلصة الجاي
:S

-------------------


اعطني حريتي أطلق يديااااا
:)

.

Friday, September 25, 2009

كوكتيل المنوعات

مقتطفات من هنا وهناك ستحوز على اعجابكم غصب مو طيب
:)

-------


حبيب الشعب العسعوسي يعايد عليكم على برادة ماي بالمباركية بشارع الصرافين ,, صراحه ذكي هالبني آدم يعني يا انه متأكد ان نص الكويت بتشوف المعايده وبالتالي راح تعطيه صوتها اذا نزل انتخابات مجلس الشبرة بسوق ولد الحجية ، أو انه ماعنده سالفه ، ( طبعا طوفوا بدليات الستكر ميخالف )



-------

أبشر بالشغل الزين بس ، شغل ياباني أصلي
هالمقاول المعلم الاستاذ الجهبذ خريج جامعة سوني كومباني جابان انكوربوريشن ليمتد
:))


-------


تكفه بحرجك




-------

انا ادعو للطالب المسكين صراحة عسى الله يهديه اول بعدين يرزقه خو الرزق قبل الهداية مشكلة
:)


-------


الكويتية عندها تفرقة طائفية ومن هذا المنطلق نطالب بالتخصيص على وجه السرعه
:)


-------

صراحة كنت أبي اسجل الاستبيان بس دورت عليه وينه ؟
اللي يلقاه له هدية شلعة ضرس من مستوصف بيان
:))


(مكتوب: عند الانتهاء من تعبئة الاستبيان يرجى وضعه هنا)



-------

اذا تداوم بمؤسسة حكومية لفترة طويلة وتحت مدير ومسئول يفتحون النفس تحوشك حالة مثل حالة صاحبنا
:)


-------

هذي اشارة من اشارات جزيرة ام النمل
ماخلو شي المرور فكروا بكل شي حتى النمل عشان مايتداعمون


-------

بيضون فتح فرع جديد بمواقف برجر كنج والمستوصف القديم بالعديلية
:))



-------

بسرعه يا أهل الفرانشايز وكالة جديده محد خذاها بعد
من يعرف شنهي @@


-------


صراحة سؤال منطقي جدا جدا جدا

( الصورة من الأخ العزيز جاسم فله جزيل الشكر )




-------

من أكثر الاعلانات اللي شدتني مع ان الاعلان بسيط ومافيه اي ابداع لكن الابداع الوحيد هو التواقيع اللي عليه ماني فاهم شمعناتها؟



-------

شكر خاص لصاحب الصورة الصديق العزيز سعود
بس يا بوعبدالعزيز هالسمجة اكيد بتدخن من عقب ماشافته من مجاري مشرف
:|



-------

شاكرين لكم حسن استماعكم
:)


Thursday, May 28, 2009

في ربوع الجزيرة




مقتطفات من الجولات المكوكية في ربوع البوادي والحواضر

:)


_____________________________
_____________________________

المدينة المنورة :


سيد الكل وسيد الكل وحاط اعلان المطعم للبيع .. طلع سيد بو بلاش
على غرار شيخ بو بلاش
:|

_____________________________
_____________________________

مكة المكرمة :

كنت اعتقد انها بدلية .. لكن اكتشفت انها مقصودة
!



_____________________________
_____________________________

الرياض :

هالمطعم هذا ما شاء الله عليه ماتغير من أيام الغزو أتذكره مثل ماهو على حطة ايدك
اللوحة والشغل كله
أنا مو فاهم شغله وحدة .. أي اسم مسجل هالمطعم بسجلات البلدية؟
في اسم صغير فوق العمدة ( شعبيات ) يعني المطعم هذا تقليد ولا شنو بعد !؟

_____________________________



شوي غير شكل
اسم المطعم ( كبريتو ) ليش هالاسم ؟ الله أعلم :)
_____________________________


هذا المقهى خلاني غصب أوقف وأسوي زحمة بالشارع وأصوره مع ان الوقت كان بالنسبة لي ضيق على الآخر

صراحة عقب ماشفت هالمقهى ستاربكس طاح من عيني
مع اني حاط اكس على ستاربكس منذ مبطي
بس لو حاطين صورة مناحي جان أزين
:))


_____________________________
_____________________________

قرية الرفيعة:


بقالة بتاع كله

:)

_____________________________

بهالصيدلية تلقى المتنبي وربعه
حتى العفيصان محامي الديوانية وياهم
:))



_____________________________
_____________________________

بنيد القار :


يا بزر قط الزقارة
:)


Saturday, December 6, 2008

تحذير حكومي : المعارض سبب رئيسي لأمراض سرطان الرئة والقلب والشرايين


الموقع .. المارينا كرسنت
بجانب فندق المارينا

السالفة؟

ممنوع الدخول لمن هم اقل من 21 سنة
وممنوع الدخول لغير المدخنين
حتى مدخنين الشيشة

فقط من يدخن السجائر

وماهو اثبات الدخول؟

وجود باكيت بمخباتك

الوضع مشبوه بالداخل
وفتيات العرض بالداخل من الجنسيات العــ

والسكيوريتي بالخارج بالمرصاد يعني

بلشت تصوير

وتجمعوا علينا بعد صراخ احد الفتيات
"
عاااام بيصوروا ئاااااعدييين بيصورواااااااا لالالالالالا
"
طبعا الوضع عندي حد الطناش

وهالسكيورتي لو سمحت ممنوع التصوير ممنوع التصوير

رديت عليه شدعوة منشأة عسكرية ولا موقع نفطي؟
الحاصل..
صورت اكثر من الصور اللي شفتوها لكن للأسف كاميرا تلفون وبالليل
فبركة اللي بتشوفونه

بعد تجمع السكيورتي علينا وصاحبي اللي بغى يطق واحد منهم
لولا ان تم نزع فتيل المعركة

بغت تصير مشكلة لولا تدخل المسئول عن المعرض
وهدأت الأمور وقعد المسئول يشرح ويبرر ويقول شركة التدخين مارلبورو ماخذة تصريح باقامة المعرض وان التصوير ممنوع بالكويت
قعد يقط على البراد
وهذا معرض خاص بالسجائر برعاية من مارلبورو
قلتله ماكو شي يمنعني اصور شي عام
:)
ومصور من بره مو داخل
:)

لكن اصرارنا على موقفنا وتمسكنا بموقفنا خلاهم يعتذرون لنا ويطلبون منا الابتعاد وعدم التصوير
قلنالهم اوكيك مو مشكلة
لكن هل هذا معناته اني ما انقل الخبر؟
مالك أمل .. الوضع بايخ بالداخل
ولازم يكون في وقفة جادة لهالمهزلة

واللي مو مصدق يروح وياخذ باكيت وياه ويدخل
:)
مادخلت داخل انا لكن عند فتح الباب نشوف اللي داخل والمكان غريب !
!

اترككم مع الصور..










The Future is Now ?!
أي مستقبل ؟!

وعمار يا ديرة...


( سؤال قانوني:
هل صحيح اني ماقدر اصور اي شي من الخارج؟
سؤال للاخوة القانونيين
(
مامدى صحة الكلام؟

Sunday, November 16, 2008

ماضاع حق وراه مطالب

كثير من اللي يتعبثون بالكمبيوتر تضيع منهم ملفات ويتوهقون مايعرفون شلون يردونها..
أو ساعات اليهال يمسحون بعض ملفاتك ويوهقونك

ويعتقد البعض لو انه مسح الملفات ( وانتوا بكرامة ) من سلة المهملات التابعة لوندوز
يتوقعون ان الملف انمسح خلاص
وفعليا الملف موجود مانمسح..
صج ؟

بشرح الموضوع بالعامية
اي صج .. الفكرة بكل بساطة ان أمر المسح
Delete
مايفهمه الكمبيوتر
الكمبيوتر يفهم شي واحد هو اضافة او اعادة كتابة
Write
Overwrite

شسالفة؟
وشقصة ديليت؟

القصة يا محفوظين السلامة ان الهاردسك فيه طريقة برمجة معينة مابي ادخل بتفاصيلها لأنها بايخة للمختصين فما بالك بعامة الشعب ؟


وفلم طويل عريض مالكم شغل فيه بس بشرحة بطريقة بسيطة علشان تكون عندكم فكرة وتشيحطون على ربعكم
:P
الكمبيوتر يكتب على الهاردسك عن طريق خريطة معينة
تشبه السلسلة
فملف معين يشبه عنوان بيت معين
منطقة كذا شارع كذا بيت كذا الخ

فإذا مسحت الملف الكمبيوتر يمسح العنوان بس
والبيت يكون موجود

وصلت الفكرة؟؟؟؟

يعني البيت ماينمسح الا لما تهدمه وتبني بيت مكانه
يعني تهد البيت وتخلي الأرض هدام مايصير
لازم تهدم وتبني بنفس الوقت

فأي ملف تمسحه لازم تكتب مكانه شي ثاني
علشان تتأكد ان اللي مسحته فعليا انمسح

طيب منو الخبير الخطير اللي بيدل مكان ملف معين لما ينمسح؟
طبعا لا انا ولا انت ولا أكبر شنب
برنامج مختص بهالسوالف يوفر عليك المهمة

في برامج كثيرة ومتخصصة وعندي لكم برنامج صغير وخفيف وكالعادة بلاش
ومايحتاج
setup

على طول تشغله

وتكشف المستور وخبايا الأمور

استعماله بسيط وسهل

بشرح البرنامج بالنقاط التالية عن طريق الصورة الخاصة بالبرنامج



1- اذا بتدور على ملف معين تقدر تختار على طول المكان اللي تبيه .. أي هاردسك تختاره
أو تختار باسم الملف عن طريق البحث فتحط اسم الملف وتختار مكانه وتضغط
Scan Files
مثل ما أنا مسوي بالمثال وبعدين اذا لقيت الملف وتبي ترده تضغط على رقم
2 Recovery
علشان ترجع الملف الممسوح سابقا
ومن المفضل انك ماترده بنفس المكان اللي كان ممسوح منه
يعني تغير مكانه مثلا كان على ال سي ترده على ال دي

3- Wipe
هذي الكلمة اللي ديربالك منها .. هذي معناها امسح الملف للأبد
يعني مثل ماقلنا سالفة البيت والشرح السابق

وفي ميزة بعد طريقة ترتيب الملفات المعروضة حسب تصنيفها اضغط على
Type

برنامج سهل وبسيط .. ونصيحة نصيحة نصيحة .. جرب ملف ماتبيه أول شي
وتعلم على البرنامج قبل لا تخرب أي شي

اللي متوهق ويبي يسأل ميتكسفش أبدا

ويااااااااااهي بلالالالالالالاوي بتطلع
:))


نزل البرنامج:
رابط التحميل ( على قولة اخوانا اهل الكمبيوتر العرب ) دااااونلوود


نصيحة اخيرة .. اللي يبي يبيع تلفونه أو كمبيوتره أو أي فلاش ميموري أو هاردسك خارجي
خليختار ملفاته كلها ويسويلها
Wipe
علشان تروح كلها
وبعدين يسوي الفورمات

واللي يبربس ويخرب شغله وما يسأل أنا برئ منه
:))


Monday, November 10, 2008

تيراميسو مين والناس نايمين

ستاربكس وما أدراك ما ستاربكس

الله يسامح اللي خلاني أطيح بهالسوالف
:))

طبعا كما يعلم الكل ان الاسعار في هالمقهى رخيييييييصة حيييييييييل
(اي هين)

والقهوة صراحة هاردلك
والحلويات والمأكولات مش ولا بد

والله يسامح بو عمارة على التيراميسو انا حسبالي شي زين طلع استغفر الله ، الله يزيد النعمة

لكن يحسب لهم المكان والجو العام والخدمة

كثير من المقاهي الثانية قهوتها وايد أفضل مثل كاريبو وسياتل وكولومبس

وأنا أفضل كولومبس بشكل كبير
قهوتي المفضلة ( فريدريكو )
جربوها مابتنسوها

هذا طبعا رأيي الشخصي لحد يناشبني برأيي

وطبعا ماعلى القهوة الشعبية شي ابداا ابدااا ابداااااااا

الكل يعرف شعار ستاربكس واتوقع الكل لو عطوه ورقة وقلم راح يرسمه بسهولة مثل مايرسم شمس صباح الخير ياكويت
:P

شطاري الموضوع الحين؟

ركزوا على الصور التالية:


ستاربكس مكة المكرمة - برج زمزم




المدينة المنورة - مادري اي منطقة بالسوق مالهم - فيه خدمة سيارات




لاحظتوا شي ؟

وشنو هالشي ؟

وشتتوقعونه؟؟

اللي يجاوب صح يعزمني على تيراميسو بس مو مال ستاربكززز

هع

Saturday, November 1, 2008

بلدية كابسة على بلدية :)


منو يقول ماعندنا شفافية ومحاسبة المخطأ؟

هالصور أكبر دليل على هالشي

:))


ومنو مخالف منو @@

مادري عن شي انا ومالي شغغغغغل









يعني وين نقط الزبالة كرمكم الله ؟

عاااااااااااادي ترا يحوشهم ازالة تعديات

:))


Wednesday, October 22, 2008

شعب الله المختار عساه يحتار


في ناس والله العظيم ماتستحي على ويهها وتعامل العمال والخدم معاملة تعبانة


وتشوف نفسها شوفة شعب الله المختار


ماقول الا حسبي الله عليهم وحوبة هاللي يسوونه بيشوفونه دنيا واخرة





تقدر تعرف شسالفة هالصورة؟




















ها ماعرفت ؟


شوف الباجي











مسخرة ثم مسخرة ثم مسخرة


وهالمسكين ماله الا انه يشبص عدل ولا يصير حاله حال خبز العروق


في ليلة ظلماء ببطن عبوود


:P