تحذير حكومي : المعارض سبب رئيسي لأمراض سرطان الرئة والقلب والشرايين

الموقع .. المارينا كرسنت
بجانب فندق المارينا

السالفة؟

ممنوع الدخول لمن هم اقل من 21 سنة
وممنوع الدخول لغير المدخنين
حتى مدخنين الشيشة

فقط من يدخن السجائر

وماهو اثبات الدخول؟

وجود باكيت بمخباتك

الوضع مشبوه بالداخل
وفتيات العرض بالداخل من الجنسيات العــ

والسكيوريتي بالخارج بالمرصاد يعني

بلشت تصوير

وتجمعوا علينا بعد صراخ احد الفتيات
"
عاااام بيصوروا ئاااااعدييين بيصورواااااااا لالالالالالا
"
طبعا الوضع عندي حد الطناش

وهالسكيورتي لو سمحت ممنوع التصوير ممنوع التصوير

رديت عليه شدعوة منشأة عسكرية ولا موقع نفطي؟
الحاصل..
صورت اكثر من الصور اللي شفتوها لكن للأسف كاميرا تلفون وبالليل
فبركة اللي بتشوفونه

بعد تجمع السكيورتي علينا وصاحبي اللي بغى يطق واحد منهم
لولا ان تم نزع فتيل المعركة

بغت تصير مشكلة لولا تدخل المسئول عن المعرض
وهدأت الأمور وقعد المسئول يشرح ويبرر ويقول شركة التدخين مارلبورو ماخذة تصريح باقامة المعرض وان التصوير ممنوع بالكويت
قعد يقط على البراد
وهذا معرض خاص بالسجائر برعاية من مارلبورو
قلتله ماكو شي يمنعني اصور شي عام
:)
ومصور من بره مو داخل
:)

لكن اصرارنا على موقفنا وتمسكنا بموقفنا خلاهم يعتذرون لنا ويطلبون منا الابتعاد وعدم التصوير
قلنالهم اوكيك مو مشكلة
لكن هل هذا معناته اني ما انقل الخبر؟
مالك أمل .. الوضع بايخ بالداخل
ولازم يكون في وقفة جادة لهالمهزلة

واللي مو مصدق يروح وياخذ باكيت وياه ويدخل
:)
مادخلت داخل انا لكن عند فتح الباب نشوف اللي داخل والمكان غريب !
!

اترككم مع الصور..

The Future is Now ?!
أي مستقبل ؟!

وعمار يا ديرة...


( سؤال قانوني:
هل صحيح اني ماقدر اصور اي شي من الخارج؟
سؤال للاخوة القانونيين
(
مامدى صحة الكلام؟

ماضاع حق وراه مطالب

كثير من اللي يتعبثون بالكمبيوتر تضيع منهم ملفات ويتوهقون مايعرفون شلون يردونها..
أو ساعات اليهال يمسحون بعض ملفاتك ويوهقونك

ويعتقد البعض لو انه مسح الملفات ( وانتوا بكرامة ) من سلة المهملات التابعة لوندوز
يتوقعون ان الملف انمسح خلاص
وفعليا الملف موجود مانمسح..
صج ؟

بشرح الموضوع بالعامية
اي صج .. الفكرة بكل بساطة ان أمر المسح
Delete
مايفهمه الكمبيوتر
الكمبيوتر يفهم شي واحد هو اضافة او اعادة كتابة
Write
Overwrite

شسالفة؟
وشقصة ديليت؟

القصة يا محفوظين السلامة ان الهاردسك فيه طريقة برمجة معينة مابي ادخل بتفاصيلها لأنها بايخة للمختصين فما بالك بعامة الشعب ؟


وفلم طويل عريض مالكم شغل فيه بس بشرحة بطريقة بسيطة علشان تكون عندكم فكرة وتشيحطون على ربعكم
:P
الكمبيوتر يكتب على الهاردسك عن طريق خريطة معينة
تشبه السلسلة
فملف معين يشبه عنوان بيت معين
منطقة كذا شارع كذا بيت كذا الخ

فإذا مسحت الملف الكمبيوتر يمسح العنوان بس
والبيت يكون موجود

وصلت الفكرة؟؟؟؟

يعني البيت ماينمسح الا لما تهدمه وتبني بيت مكانه
يعني تهد البيت وتخلي الأرض هدام مايصير
لازم تهدم وتبني بنفس الوقت

فأي ملف تمسحه لازم تكتب مكانه شي ثاني
علشان تتأكد ان اللي مسحته فعليا انمسح

طيب منو الخبير الخطير اللي بيدل مكان ملف معين لما ينمسح؟
طبعا لا انا ولا انت ولا أكبر شنب
برنامج مختص بهالسوالف يوفر عليك المهمة

في برامج كثيرة ومتخصصة وعندي لكم برنامج صغير وخفيف وكالعادة بلاش
ومايحتاج
setup

على طول تشغله

وتكشف المستور وخبايا الأمور

استعماله بسيط وسهل

بشرح البرنامج بالنقاط التالية عن طريق الصورة الخاصة بالبرنامج



1- اذا بتدور على ملف معين تقدر تختار على طول المكان اللي تبيه .. أي هاردسك تختاره
أو تختار باسم الملف عن طريق البحث فتحط اسم الملف وتختار مكانه وتضغط
Scan Files
مثل ما أنا مسوي بالمثال وبعدين اذا لقيت الملف وتبي ترده تضغط على رقم
2 Recovery
علشان ترجع الملف الممسوح سابقا
ومن المفضل انك ماترده بنفس المكان اللي كان ممسوح منه
يعني تغير مكانه مثلا كان على ال سي ترده على ال دي

3- Wipe
هذي الكلمة اللي ديربالك منها .. هذي معناها امسح الملف للأبد
يعني مثل ماقلنا سالفة البيت والشرح السابق

وفي ميزة بعد طريقة ترتيب الملفات المعروضة حسب تصنيفها اضغط على
Type

برنامج سهل وبسيط .. ونصيحة نصيحة نصيحة .. جرب ملف ماتبيه أول شي
وتعلم على البرنامج قبل لا تخرب أي شي

اللي متوهق ويبي يسأل ميتكسفش أبدا

ويااااااااااهي بلالالالالالالاوي بتطلع
:))


نزل البرنامج:
رابط التحميل ( على قولة اخوانا اهل الكمبيوتر العرب ) دااااونلوود


نصيحة اخيرة .. اللي يبي يبيع تلفونه أو كمبيوتره أو أي فلاش ميموري أو هاردسك خارجي
خليختار ملفاته كلها ويسويلها
Wipe
علشان تروح كلها
وبعدين يسوي الفورمات

واللي يبربس ويخرب شغله وما يسأل أنا برئ منه
:))

تيراميسو مين والناس نايمين

ستاربكس وما أدراك ما ستاربكس

الله يسامح اللي خلاني أطيح بهالسوالف
:))

طبعا كما يعلم الكل ان الاسعار في هالمقهى رخيييييييصة حيييييييييل
(اي هين)

والقهوة صراحة هاردلك
والحلويات والمأكولات مش ولا بد

والله يسامح بو عمارة على التيراميسو انا حسبالي شي زين طلع استغفر الله ، الله يزيد النعمة

لكن يحسب لهم المكان والجو العام والخدمة

كثير من المقاهي الثانية قهوتها وايد أفضل مثل كاريبو وسياتل وكولومبس

وأنا أفضل كولومبس بشكل كبير
قهوتي المفضلة ( فريدريكو )
جربوها مابتنسوها

هذا طبعا رأيي الشخصي لحد يناشبني برأيي

وطبعا ماعلى القهوة الشعبية شي ابداا ابدااا ابداااااااا

الكل يعرف شعار ستاربكس واتوقع الكل لو عطوه ورقة وقلم راح يرسمه بسهولة مثل مايرسم شمس صباح الخير ياكويت
:P

شطاري الموضوع الحين؟

ركزوا على الصور التالية:


ستاربكس مكة المكرمة - برج زمزم




المدينة المنورة - مادري اي منطقة بالسوق مالهم - فيه خدمة سيارات




لاحظتوا شي ؟

وشنو هالشي ؟

وشتتوقعونه؟؟

اللي يجاوب صح يعزمني على تيراميسو بس مو مال ستاربكززز

هع

بلدية كابسة على بلدية :)

منو يقول ماعندنا شفافية ومحاسبة المخطأ؟

هالصور أكبر دليل على هالشي

:))

ومنو مخالف منو @@

مادري عن شي انا ومالي شغغغغغل

يعني وين نقط الزبالة كرمكم الله ؟

عاااااااااااادي ترا يحوشهم ازالة تعديات

:))

شعب الله المختار عساه يحتار

في ناس والله العظيم ماتستحي على ويهها وتعامل العمال والخدم معاملة تعبانة

وتشوف نفسها شوفة شعب الله المختار

ماقول الا حسبي الله عليهم وحوبة هاللي يسوونه بيشوفونه دنيا واخرة

تقدر تعرف شسالفة هالصورة؟

ها ماعرفت ؟

شوف الباجي

مسخرة ثم مسخرة ثم مسخرة

وهالمسكين ماله الا انه يشبص عدل ولا يصير حاله حال خبز العروق

في ليلة ظلماء ببطن عبوود

:P

كباب عراقي منسم

بدون تعليق الإعلان ينكت بنفسه على نفسه

:)

الضرث مكثور والكثن مثقوق

رثود وثعود

راحوا ثارع الزينة

وكانوا يبون ينجدون كثن الثيارة العجيبة

وتهاوثوا على المحل

في النهاية

لقوا مرادهم عقب ماثافوا هذا الإعلان :)




ثكرا

:P

س أو ش = ث

نداء .. نداااء ... نداااااااء

قصاصة ورق من جريدة الرياض السعودية أيام الغزو

الله لا يعيد الشر

وجزاهم الله خير كانوا مسوين خدمة جسر المحبة

خخ

بس صراحة كانت خدمة طمنت الناس وقتها

وبذاك الوقت ماتدري عن اهلك شفيهم مافيهم خصوصا اللي طلعوا من الديرة وماتدري وين راحوا وشخبارهم

فالله يجزي الخير لكل من طمن قلوب الناس وقتها

يالله تحفظنا من كل شر

آمين

كمبيوفلاشك تحت ابطك

في البداية كل الشكر للأخ العزيز

Forzaq8

على الموقع

بعض الشباب الهاردسك او الفلاش دوم بمخباته

او بميدالية السيارة ، لكن مشكلته بالكمبيوتر

مايكون معاه

المشكلة تكمن انك لو تروح مكان معين وتبي تستخدم جهاز كمبيوتر ومافيه برنامج معين انت تحتاجه

شتسوي؟

والفلاش فيه ملف مايشتغل على الجهاز الثاني

وعلى ماتنزل البرنامج اللي يشغل الملف قصة

ولو مافيه انترنت بعد قصة ثانية

الحل موجود

واهي فكرة كمبيوفلاش

( هالاسم من تأليفي - مو قناة بلاش الدايخة)

:))

ومعناته الكمبيوتر بالفلاش

او بشكل ادق برامجك بفلاشك

الطريقة سهلة وبسيطة

تنزل البرنامج اللي تبيه على الفلاش

لكن لازم تنتبه ان البرنامج اللي بتنزله نسخة خاصة بالفلاش

وهي نسخة خفيفة وصغيرة علشان الفلاش لكنها تأدي الغرض بشكل ممتاز

ويمشي على الفلاش والهاردسك النقال

وطبعا البرنامج كالعادة مجاني وبدون دعايات وخرابيط

:)

لحد يحاتي

وهني راح تحافظ على بياناتك وشغلك

مثل لما تستخدم الفاير فوكس وتدخل موقع امازون وتشتري شي

فانت داخل على الفايرفوكس اللي بالفلاش مو اللي بالجهاز

(اللي مو عارف شنو فايرفوكس
FireFox
اهو برنامج متصفح انترنت افضل من
InternetExplorer
التابع لمايكروسوفت)

فبالتالي كل المعلومات اللي تكتبها موجودة على الفلاش مو على الجهاز فتكون في امان

وماتحاتي البوق

:)

والمفضلة مالتك موجودة وكل شغلك والخ الخ

ولو تشوفون البرامج الموجودة كثيرة وكلها مميزة

حتى الوورد والاكسل موجود عن طريق برامج الـ

open office

على فكرة للي مايعرفون هالاوبن اوفس ترى هالبرامج هي حزمة تطبيقات مثل اوفيس

وفيها مميزات كثيرة لكنها انشهرت اكثر باللينكس ، مع انها شغاله على الوندوز ماكو مشكلة

:)

الفكرة لازم اول شي يكون راكب ال

Platform

والبلاتفورم هذا اهو شغله مثل شغل الـ

Start

بالوندوز

اهو مثل الوندوز بالنسبة للفلاش

فيكون اهو الاساس اول شي وبعدين تركب كل البرامج اللي تحتاجها

وفي عندك اختيارات ثانية اذا تبي تركب البرامج وياها على طول تختار

الـ

Suite Light

أو

Suite Standard

وكل وحدة فيهم فيها اختلاف عن الثانية من حيث البرامج والحجم

شوف التفاصيل هنا

واللي موعارف شيختار يسأل ونجاوبه

وطبعا على حسب الفلاش اللي عندك كم سعة تخزينها

المهم

ببساطة تنزل البلاتفورم

وبعدين البرامج تركبها على الفلاش

ولاتنسون ان كل البرامج لازم تركب على الفلاش

مو تركبونها على الوندوز

الطريقة ببساطة بالصور

اول شي تدخل الموقع

http://portableapps.com/

ومن ثم داونلود

http://portableapps.com/download

وبعدين تختار اللي يناسبك

اذا محتار شتركب ركب ال

Suite Light

والصور تشرح البقية

وبعدين تخليه فترة ليما يخلص الست اب

وبعدين راح يشتغل معاك البرنامج واكتشف الباجي

:)

واذا تبي برامج اكثر ادخل على صفحة البرامج

ولمحبي نظام التشغيل الماك ارعص هنا

والعب بالحلال ياولــد

:)

Update - - والله عيب

اتفاقية الجات

ولا اتفاقية الجت

اتفاقية عدم الاحتكار والملكية الفكرية اللي ذابحينا فيها

ولا اتفاقية الحكرة

وفي ظل التخبط اللي ماشين فيه وموعارفين وين بنروح

نداوم برمضان ولا بعد العيد

نعطيهم 50 ولا مانعطيهم

نصرف كوادر ولا لا

ندعم المنتجات الاستهلاكية

ولا لا .. بس نخاف نزعل التجار

نسحق مليون مواطن واكثر من مليونين مقيم مو مشكلة

بس

مانزعل طوال العمر فلان وفلان المعدودين على الاصابع اللي ملياراتهم غاصين فيها

عساهم يغصون فيها بنار جهنم اذا ماتابوا من قهر البشر والمواطنين البسطاء

وغيره وغيره من هالبلشة اللي ابتلشنا بعقليات متخلفة عمرها ماتتقدم دامها عاضة على الكراسي ومتشبثة فيها ولو بيدهم مايهدون الكراسي والمناصب لو يدشون فيها القبر

وزارة المواصلات تتابع جلة الحيا اللي فيها

ومو بس جلة حيا

ضيف عليها قلة دبرة وقلة عقل وخبرة

وقفشة تخبط على قفشتين خنبقة وجم قفشة رجعية وقفشة ارهاب

نعم .. هذا الارهاب بعينه وعلمه

الوزارة قاعد تمارس ارهاب فكري ووصاية على المواطن

بدون اي وجه حق

ومن آخر فناتق الوزارة المصون

حجب موقع سكايب

والله مسخرة

وليش هذا كله؟

لأنه مخسر الوزارة

هههههههه

سكايب وغير سكايب من المواقع الكثيرة تقدملك خدمات متطورة للمكاالمات الدولية

ورسايل جوال وخدمات بريد صوتي وفاكس . الخ

لكن الوزارة تبي تلبس الناس مثل كرمكم الله حصان السباق

مايشوف الا الل يبيه السايس يشوفه

وين احنا فيه؟

بأي قرن عايشين؟

لخبطة بلخبطة

زيد على الكلام ذاته رفض الوزارة لمفهوم الشبكة الواحده

المقدم من شركات الاتصالات بحجة انه راح يخسر الوزارة

خخ يا ويح قلبي ضحكتوني

مو يا يبه يا وزارة يا مصون خلاص الحين الناس بالقرن 21

والدنيا كلها مفتوحة على بعض

ليش التخلف

خل الدنيا تشتغل

واخذ انت نصيب من هالشغل

وشوف شراح يدخل عليك من فلوس

الوزارة ذابحتنا كل يوم تلاحق البنغالية اهل المكالمات الدولية

مو يا وزارة انتوا يبتوا الكلام لنفسكم

لو سامحين للناس تتاجر بهالشي وحطيتوا ضوابط لها

واخذتوا رسوم معقولة عليها

ماكنتوا رابحين؟

من طلع النت تو فون والوزارة تقول حايشها عقر بقر

خايفة ان المكالمات الدولية ماتدش بجيبها

مع ان الشي المعروف انك لو ترخص الخدمات راح تربح اكثر لأن الناس راح تزيد باستخدامها وبالتالي زيادة ارباح

وهالكلام ينطبق على شين والمو وطنية

رخصوا خدماتكم وشوفوا الارباح شلون تفرق وياكم

هم تبيعون الناس هوا وهم تحاسبون عليه باغلى الاثمان؟

هالهوا اللي تبيعونه صانعه ربي مو صانعينه انتوا

المهم

مثل ماقلنا

اخر فناتق الوزارة

حجب موقع سكايب

ماقول الا مالت على ...

بناء على تعليمات الوزارة

هخ

امحق تعليمات بس

واقول حق الوز وز

مثل مقولة العجيمي

سنع وزارتك احسنلك

حسبي الله ونعم الوكيل

حسافة على ديرتي ديرة الخير والعز

بس اقول .. والله لو مو تحطون حجب

لو تحطون السور الرابع فوقه

بنطوفه يعني بنطوفه مثل ما اللي فوق يشقحون السور وترسوا سوق المباركية بدقاتهم والتواير اللي على روسهم

في شي بسيط اسمه بروكسي.. تقدر الوزارة تمنعه؟

هذا ابسط شي

يله يا شطار يا حلوين يا وزارة ورونا شطارتكم

ومنعوا البروكسي اذا تقدرون

ماقول الا..

غصيت فيك يا ماي شدفعك فيه؟

تحديث :

حتى موقع Fring

مسكر

مسخرة

www.fring.com

أم المهازل

واللي يبي يعرف شلون يفتح هالمواقع مايصير خاطره الا طيب
يطرشلي مسج واعلمه
وحاضرين للطيبين
وعناد على بعض الناس

موقع موصرقع

موقع فلّة

http://www.osha3a.com/

والحقوق محفوظة في الثلاجة

خخ

ألا ليت الحلو يعود يوما

والله مادري شقول

شي يضحك صراحة

الشرهة على التجارة اللي معطينه رخصة بهالاسم

خخخخخخ

انزين سؤال يطرح نفسه

اول الحلوين وين راح؟

مسكين خنت حيلي

راح وراحت أيامه

:Pp

ليتس دانس بيبي

هالحبيب ماعنده وقت يضيعه كلش
:)

هالخبل بسوق شرق يترقص بمحل من المحلات الراهية
:)
وهو ينطر دوره للكاشير ماقول الا وين الخيازرين المنقعة بملح عنه
:)))

منتجع البجع الكويتيــجع

منتجع جديد ومميز لعشاق السياحة حول العالم

يقع هذا المنتجع في ولاية خيطان المصــ

في مكان مميز وعلى اطلالة الشمس المشرقة

وفي احضان الجو الدافئ المدغدغ للمشاعر والمقرص للحواجب

نزف البشرى للسياح الحائرين اللي مو عارفين وين يروحون

ننصحهم باللجوء الى هذا المنتجع للتخلص من هموم الحياة

وللتمتع بالنظر الى المناظر الخلابة والتضاريس الطبيعية للحياة الفطرية على أرض خيطان الحبيبة

ملحوظة:

أسعار خاصة للقروبات والمدونين والمدونات الاحياء منهم والاموات بباصات بو عرام

وبرفقة المرشد السياحي بو مسباح

:))

للاتصال والاستفسار : 4733389

:PpPp~~

يا عيب الشوم

شو هاض شي بيخزي العئل

طبعا هالمشهد البايخ بالكويت

صل على النبي

اهيا ديرتنا وفيها اللي نبي

بتاريخ 26\4\2006

الساعة 2:15 الظهر

ذاك اليوم طالع انا وخوين لي حبيب ألبي بو حمد

والنية كانت الغدا

واليوع حاكني حك ذاك اليوم

لكن اللي شفناه نسانا اليوع صراحة

مشهد يسد النفس

ليموزين ووحدة طالعة منه وترقص جدام الأوادم

توقعت اني قاعد في لاس فيجاس مو السالمية

والليموزين مغيم تعتيم كامل

صراحة ستين ألف تفسير تداولناه ذاك اليوم

مو المشهد يخليك تفكر جذي

انا قلت اخر شي أكيد مو دونالد ترمب داخل؟

:P

المهم

ورا هالمسطولة طابور ذبان

واللي باط جبدي متحجبة وماحترمت حجابها على الأقل

عقب التصوير طفناهم

ومشينا عنهم ولقيناهم اخر شي وين توقعون؟

وشنو طلع موضوعهم؟

وقفوا عند مجمع ليلى جاليري

ونزلوا من هالليموزين مو أقل من 20 وواحد ووحدة

وكوكتيل خلط سيارات عليها شعارات وعلم وطن عربي شقيق ( مالنا خلق مشاكل )من بلاد الشام

وعلى ماعتقد كان معاهم عروس اذا ماخاب ظني

والموسيقى على حدها

أخر مسخرة

حتى لو عرس ينثبرون بالليموزين داخل مو تطلعلي ست الحسن بره وتسوي لوية ذاك اليوم الشارع صار حلبة سباق

مابقى ذبانة ما حاست صوبهم

طبعا

ان لم تستح فاصنع ماشئت

ويا غريب كن ادييييبب

نعيب زماننا

هالجحش كرمكم الله اللي كتب على المحول

من المسئول عنه؟

وبعدين جملته اللي كتبها يعني طالع فيها؟

مو اهو واحد من هالمجتمع؟

يعني صايد الحركة الحبيب؟

ماقول الا مثل ما قال الامام الشافعي رحمة الله عليه

نعيب زماننا و العيب فينا و ما لزماننا عيب سوانا

تسلملي هالطلة

مادري بهالصورة شضحك عليه

اللي صافطلي مادري صافطتلي فوق الرصيف

ولا على الطلة الفريدة

خخ

انزين ليش بمناسبة هدم العقار؟

شكو مسوينها مناسبة بعد

باجر يسوونلها يوبيل فضي وذهبي بعد؟

ماشبع فلوس راعي العقار؟

اللهم لا حسد

:PPpppppp

انا متأكد ان آخر شي يطلع مجمع العنود اكشخ

:P

___________

وحيزبونة قاالت

:D

_________

اللغة العصملية

ودي اقرا هالكرتين بدون ما أعض لساني

لساااني .. آآي

متخنا وتكييق ؟

يمكن تلييق

ويمكن فخفخينا
؟

انزين يعني متخصيصون اقوى من متخصخصون؟

أو يمكن متخـــــ

:X

حسبي الله ونعم الوكيل ..

أكيد كانوا متابعين المناهل؟

:P

من حبنا لها

حديقة قطعة 6 الفيحاء بعز الظهر يوم الجمعة

27-6-2008

ومن حبنا لها بنبربس فيها