Monday, May 26, 2008

شارع الصرافين والساحر المغوار


بدال ماتروح شارع الصرافين وتغص بهالزحمة

عملات العالم كلها تحت ايدك

اول شي عندك هالموقع المحترم




وطبعا هالموقع يعطيك أسعار رسمية


واذا بغيت شي سريع وسهل وتقريبي بالامكان استعمال

الساحر المغوار جووجل

:))



طبعا الكثير مايعرف الامكانيات الكبيرة بهالموقع .. الناس حسبالها بس يبحث

لكن فيه امكانيات عجيبة وكبيرة

حتى برنامج اوفيس نازل عليه
(طبعا اصدار خاص بجووجل)

:)))

المهم الطريقة بالجووجل كالآتي

اكتب هالسطر بالخانة المخصصة للبحث :

35 kwd in usd

أو

10 sar in kwd


وشوف شيطلعلك


واذا تبي تشوف اختصارات عملات أخرى ادخل الموقع الأول وشوف عملة الدولة اللي تبيها
وطبق نفس المثال
:)
موضوع بسيط وسهل تنقش فيه ضريساتك
:))

Saturday, May 17, 2008

Hamachi ...



موضوعنا اليوم موضوع أقشر وأهم شي انه ببلاشش كالعادة


:)))))))))))


ويهم الكل وخصوصا ربع الألعاب..


مامرت عليك ألعاب يقولك فيها ألعاب عن طريق الشبكة؟


مثل شبكة LAN


وانت بروحك بالبيت لا لان ولا بطيخ


انزين.. واللعبة موجودة عند صاحبك


وتبون تلعبون يميع .. واللعبة اصلا مو أصلية


كوبي أو مسوين لها كراك


فانسى انك تلعبها عن طريق الانترنت لان اللعبة الغير اصلية ماتشتغل


طيب شالحل؟


الحل عن طريق برنامج مصنف تحت مسمى:


وحش


خخخ هالبرنامج الصغير بحجمه كبير بفعله


ويا انه عن شوارب بعض الناس


:)))


هذا البرنامج فكرته انه يسوي شبكة داخلية وهمية


أو افتراضية


عن طريق شغلة اسمها VPN


virtual private network


ويتم الربط بين الاجهزة المتعددة بطريقة افتراضية


يعني بدون تمديدات او وايرات


:)


بس يتم استخدام الانترنت فيها بس


يعني مخلص الكلام هذا البرنامج يسوي شبكة ببطن شبكة


ويبي الانترنت شغال بس واهو عليه الباجي


لاتعب حالك بالتفكير وشلون يشتغل والخ الخ


انت عليك من الرقم اللي يطلعلك بعدين


وهو رقم ايبي IP


خاص فيك غير رقم اشتراك الانترنت


يتم عن طريق هالرقم الشغل كله


اعتبر نفسك وصاحبك او مجموعة من ربعك كأنكم قاعدين بشبكة داخلية وحدة


يعني المفروض الحين شربت الفكرة عقب هالشرح


اللي مافهم يطق راسه بالبلوق .. وبعدين يسألني افهمه :))


البداية نزل البرنامج من الموقع:






وبعدين سو التنصيب على قولة اخواننا العرب أي بمعنى


Install


ومن ثم في خطوة حطها ببالك

يفضل الاختيار للمربع علشان الأمان والسكيورتي

الاختيار هذا يمنع من مشاركة الملفات مع الغير بالبرنامج

افضل حط الصح علشان ترتاح من الفيروسات والتروجان

وبعدين كمل

راح يسألك تبي اي نوع من الاشتراك اختار اللي يناسبك

اول واحد مجاني والثاني فترة محدودة للي بفلوس وبعدين يحول بروحه للبلاش

انا افضل اللي ببلاش افضل علشان ماتعود على اللي بفلوس
خخخخخخخخخ
وكمل وراها

واختار يوزر نيم والباجي سهل

وبعدين عندك شغلتين يا انك تسوي شبكة

او تدخل على شبكة

وبالحالتين الشبكة اللي بتدخل عليها لها نتورك نيم وباسورد

نفس الشي لما تسوي نتورك نيم وباسورد تعطيهم ربعك اللي بيشبكون

على شبكتك

وبعدين تشوف ربعك يشبكون وياك ويطلعون مثل المسنجر

وكل واحد له رقم خاص فيه اهو رقم الايبي عن طريقه تشبكون على بعض وتلعبون او اي برنامج تستعملونه


وتحت الاختيار من الاوبشنز اختيارات متعددة شوف شيناسبك منها اذا ماتحتاج لاتعبث

موضوع سهل وبسيط ماياخذ 10 دقايق

اذا بتغير النك نيم تقدر وتقدر تتحكم بكثير اشياء بالاوبشنز

برنامج سهل وعجيب

وعليكم بالعافية

اللي عنده استفسار لايتردد

Wednesday, May 14, 2008

فارس التحرير





رحمة الله عليك يا بوفهد

...

ياي على مزاجك تروح مباراة ؟

ودك تروح مباراة ومنت عارف شلون تشتري تذكرة هالمباراة.؟
وتخاف يقصون عليك هاللي بالسوق السوداء ؟.
هذا موقع متخصص بالمسابقات الرياضية وتذاكرها
وهذا الموقع يعرضلك اسعار التذاكر وموقع التذكرة ان كان ورا المرمى او على جانب الملعب
وفي مسابقات ثانية غير كرة القدم
وميزته يوريك سعر التذكرة بكذا عملة
وهالموقع رسمي وله مكتب بالامارات
حتى تلاحظ انه ممكن تشتري تذاكر لأحداث رياضية بالامارات
وطبعا التذكرة اذا شريتها توصلك عن طريق
DHL
أو اذا كنت بالامارات موجود يوصلونها لك الى باب غرفة الفندق
او تروح مكتبهم
و في طرق اخرى للتوصيل مشروحة بالموقع
وميزة ثانية انه في واجهة استخدام بالعربي
وميزة بعد حتى لو عندك تذكرة تقدر تعرضها للبيع عن طريقهم
وموجود شغلة حلوة بعد
حجز تذاكر لرحلات السفاري بالامارات
والنشاطات السياحية بالامارات
والدفع بالطرق المتعددة
فكرة حلوة جديدة من اخواننا الاماراتيين والله يوفقهم
بس في ملاحظة سلبية على الموقع
ان الموقع فيه امكانية لشراء تذاكر ملاهي ليلية
فكل من ذنبه على جنبه
وقد أعذر من أنذر لاتقولون ماقلت :)
الموقع :