على قولة المصريين الجواب باين من عنوانه..
اذا متوهق وتبي تطرش فايل عندك حدا الشايتين
الأولى : اذا كان صاحبك أونلاين أو موجود فعندك برنامج سهل وخفيف وسريع وبن حلال
ينقاله فايل ترانزفير
FileTransfer 1.2b
والبرنامج أهم شي فيه إنه ببلاش :)))
البرنامج مايبيله عبقرية ولا حرفنة
حط الايبي اللي تبي تطرشله بالستنق
وانتبه للفولدر اللي بتحط فيه الفايلات لازم تحدده
لا وفيه شات بعد خخخخ
وهذا اثبات وشوف السرعه :)
البرنامج الثاني
اهو مو برنامج برنااامج
في الحقيقة اهو موقع ينقاله:
الموقع فكرته بسيطة
أول شي الخدمة مجانية طبعا
الفكرة انك تسوي ريجستر
وبعدين تسوي اكتفيت لليوزر نيم عن طريق رسالة توصلك للايميل
ومن ثم طال عمرك
تدخل على يوزرك والفكرة اسهل منها ماكو
نفس طريقة ارسال رسالة مع مرفق بالاميل
تحط اللي تبي ترسله والرسالة والملف
طبعا الموقع فاتحلك الخط ترسل الحجم اللي تبيه واذا تبي ترسل اكثر من ملف
اشترك معاهم لان الخدمة المجانية لملف واحد كل مرة
وبعدين خله يشتغل يرسل ليما يخلص
وبعدين راح توصل رسالة للطرف الثاني ان لك ملف اضغط هنا وماشابه ونزل الملف
طبعا انا جربت ارسل ملف فيديو 700 ميقا
قبل وكل شي تمام بس المشكلة لوع جبدي يطول
فاستخدمت البرنامج الأول الآنف ذكره ومشالله عليه برنامج اللي مسويه امه داعية عليه اكيد
:P
وكفى الله المؤمنين شر القتال
:))
واللي يبي يستفسر يسأل ومايتكسفش
والى المزيد من الحاجة أم الاختراع :))
تنبيه:
اللي يبي يبوق الموضوع يبوقه بس يحط الموضوع بدون تصررررف ويذكرني طبعااااا
:))
ولا والله مو محلللللللللللل
